Дали ве изненадува фактот дека менаџерите кои вработуваат сметаат дека користењето на фонтот Times New Roman во вашата биографија е еквивалентно на носењето на тренерки на разговорот за работа?
Деловното резиме, парче хартија направено да не прикаже во најдобро светло, е едно од местата каде луѓето користат фонт за да се изразат и прикажат себе си. Откако Bloomberg пишуваше за најдобрите фонтови во CV-то, Independent го контактираше експертот за вработување Милдред Талабиј, и го праша кои фонтови никако не треба да се користат, а кои се пожелни:
„Немам листа кога станува збор за лошите фонтови во CV-то, имам само еден дежурен виновник – Times New Roman. Избегнувајте го како ѓавол. Кога користите Times New Roman како да велите „Не сум го корегирал моето CV десет години“, а тоа е порака која не би сакале да му ја пренесете на работодавецот.
Фонтовите кои се пожелни и кои се карактеризираат како „појасни, посвежи, помодерни“ се: Verdana, Calibri, Century Gothic иTahoma.
И уште еден совет „Избегнувајте го и фонтот Arial – не е баш непожелен како Times New Roman, но е на добар пат да стане тоа“.
Значи, некогаш омилениот фонт, стана многу „озогласен“ и старомоден. Истото мислење го има и Bloomberg.
Како и во се, и во составувањето и дополнувањето на работната биографија треба да ги следите трендовите. Изгледот на CV-то може да пресуди дали вашиот потенцијален работодавец ќе ве повика на разговор или не.