Заменик-директорот на Царинската управа, Лавдрим Велиу, и в.д. ректорот на Универзитетот „Мајка Тереза“, проф. д-р Азиз Положани денеска (9.11.2017 година) потпишаа меморандум за соработка меѓу Царинската управа и Универзитет „Мајка Тереза“.
Овој меморандум ја изразува намерата на страните потписнички за меѓусебна соработка и заедничката цел за воспоставување долгорочна соработка на полето на техниката, образованието и науката преку организирање и изведување практична настава за студентите на универзитетот во рамките на неговата дејност и научните истражувања од областа на царинското работење.
Со потпишување на меморандумот, Царинската управа и Универзитетот „Мајка Тереза“ изразија волја за унапредување на соработката и јакнење на меѓусебната помош. Заедничките активностите врз основа на потпишаниот меморандум ќе се реализираат на иницијатива и покана на една од страните потписнички на меморандумот.
