Лекарите во државните болници во Грција нема да бидат на своите работни места во период од 4 часа во знак на протест против предлог-законот со кој се предвидува ревидирање на работното време, објавуваат грчките медиуми.
Лекарскиот синдикат вели дека новите правила го уништуваат чувството за нормално функционирање на лекарите.
Ова не е прв штрајк на медицинските лица. Во последната седмица тие ги напуштија работните места за да изразат несогласување со новите правила за структурирање на платата наметнати од владата како дел од обврските на спасувачкиот план за земјата.
