Министерството за внатрешни работи треба да префрли 10 милиони денари на фабриката „11 Октомври-Еурокомпозит“ со што ќе се изврши исплата на една плата на вработените.
Вчера на седницата на Владата е донесена одлука за обезбедување финансиска поддршка на Друштвотo за производство на производи со посебна намена „11 Октомври -Еурокомпозит“ АД Прилеп, кое е во државна сопственост.
„Владата донесе одлука МВР да префрли финансиски средства во висина од 10.000.000 денари на сметка на друштвото со цел исплата на една плата на вработените и за набавка на репроматеријали за да продолжи работењето на фабриката“, соопшти владината прес-служба.
Вработените во фабриката немаат земено 16 плати.