Завршниот настан на проектот финансиран од Европската Унија, „Реформи во системот на водоснабдување, собирање и прочистување на урбаните отпадни води на локално ниво“, се одржа со конференција на тема „Национален систем за мониторинг на изведбата и бенчмаркинг за водните услуги“.
Конференцијата, организирана во соработка со АДКОМ, го стави во фокус значењето на исправните податоци во работата на претпријатијата за комунални услуги, но и за потребите на регулаторните процеси и за националната и регионалната одредница. Во тој контекст беа презентирани порталите www.danubis-dcm.org и www.danubis.org.
Вториот дел на конференцијата беше посветен на резултатите од проектот, каде што корисник беше Министерството за животна средина и просторно планирање, а опфатени беа 12 комунални претпријатија од општините: Град Скопје, Тетово, Гостивар, Битола, Кавадарци, Струмица, Дебар, Радовиш, Кичево, Берово и Куманово.
Работејќи со самите јавни комунални претпријатија, проектот помогна во реформирање на постојниот систем во однос на организациските, управувачките, финансиските и оперативните аспекти, оценуваат изведувачите на проекот.
Една од главните задачи беше поддршката во спроведување на барањата од новиот Закон за утврдување на цените на водните услуги и подготвување акциски план за потребните мерки на давателите на водни услуги, со што ќе се овозможи ефективно и ефикасно управување со водоснабдувањето, собирањето и пречистувањето на отпадните води.
