Четвртата година по ред, Сингапур е најскапиот град, според истражувањето на „The Economist Intelligence Unit“ за 2017-та година. Податоците од публикацијата покажуваат дека една петтина од градовите каде што трошоците за живот се највисоки, главно се градови во Азија.
Второто место во ова рангирање го држи Хонг Конг, а третото е за швајцарскиот град Цирих, кој има промена во споредба со 2016-та година. Два јапонски градови – Токио и Осака забележаа раст од минатата година и сега се четврти и петти во однос на животните трошоци.
На спротивната страна е Алмати, најголемиот град во Казахстан. Ова е градот со најниски трошоци за живот, според „The Economist“. Зад него се Лагос (Нигерија), Бангалор (Индија), Карачи (Пакистан) и Алжир. Сепак, ниските трошоци за живеење во овие градови се често поврзани со политички ризици и економски проблеми во самите земји, се вели во извештајот.
Првите десет меѓу најевтините градови според трошоците е романскиот главен град Букурешт, кој го зазема деветтото место.
Поради повисоката вредност на доларот меѓу најскапите градови во светот се најде и Њујорк. Овој град се искачи за две позиции во споредба со 2016-та година и сега е на деветтото место. Париз е единствениот град во еврозоната во првите 10 и го зазема осмото место. Авторите на извештајот забележуваат дека живеењето во Париз денес е за 7 отсто поскапо, отколку во Њујорк.
Десеттото место во рангирањето на најскапите градови е Копенхаген. Во десетте, освен во Цирих, можеме да најдеме уште еден швајцарски град – Женева (7).
За проценката, експертите на „The Economist“ ги земаат цените на 160 стоки и услуги, вклучувајќи храна, алкохол, облека, козметика и домување, транспорт, училишта и градинки.
