Стапката на невработеност во Германија во месец октомври се задржа на историски минимум, покажаа денес објавените официјални податоци.
Стапката на невработеност минатиот месец, според десезонираните податоци изнесувала 5,6 проценти, што е на исто ниво како и во септември, се наведува во соопштението на германската Федерална агенција за труд (BA), а пренесува агенцијата Франс прес.
Според неприлагодените податоци, стапката на невработеност опадна за 0,1 процентни поени на 5,4 проценти, што е најниското ниво од обединувањето на Германија во 1990 година и нешто помалку од 2,4 милиони невработени.