Владата на Република Македонија вчера одржа седница на која донесе одлука да им даде на трајно располагање 40 инкубатори на 12 здравствени установи во Македонија.
Поконкретно, осум инкубатори за интензивна нега ѝ се дадени на Јавната здравствена установа Универзитетска клиника за гинекологија и акушерство – Скопје, 6 на Јавната здравствена установа Универзитетска клиника за детски болести од Скопје, 16 инкубатори на Јавната здравствена установа Универзитетска клиника за гинекологија и акушерство – Скопје, како и 10 инкубатори на клиничките и општите болници во Штип, Тетово, Струга, Прилеп, Охрид, Куманово, Битола, Гостивар и во Струмица, како и на Специјалната болница за гинекологија и акушерство Чаир во Скопје.