Во наредниот период ќе влеземе во еден инвестициски циклус од преку 86 милиони евра за реконструкција на патната мрежа во земјата, изјави министерот за транспорт и врски Горан Сугарески.
Тој рече дека голем дел од овие патишта владата ги ветила во програмата, а дел се нови патишта за кои се обезбедени средства од меѓународни финансиски институции.
„Во наредниот период фокус ќе ставиме на реконструкција на 26 патни правци, дел автопати, поголем дел регионални патишта со вкупна должина од преку 420 километри и инвестиција од над 86 милиони евра“, рече Сугарески.
На крај, рече тој, би сакал да потенцирам дека ќе продолжиме со реконструкција и изградба на сите патишта со состојбите кои ги затекнавме и за кои веќе информиравме за настанатите проблеми.