Управата за заштита на културното наследство ќе го претстави домашното културно наследство на 23. Меѓународен саем за културно наследство, кој од 2 до 5 ноември ќе се одржува во престижниот музеј Лувр во Париз.
Управата соопшти дека на македонскиот штанд ќе бидат изложени публикации од познати археолошки локалитети, цркви и џамии кои се нејзини изданија, а ќе има и кратка видеопрезентација за домашното културно богатство.
Ова е трето претставување на македонското културно наследство на овој саем. Тема на годинашното саемско издание е „Културното наследство и туризмот“.
На 23. Меѓународен саем за културно наследство во француската метропола ќе учествуваат Геманија, Белгија, Кина, Португалија, Италија, Грција, Швајцарија, Холандија и други земји.