Европската комисија упати предупредувања до Италија, Франција, Португалија, Белгија и Шпанија дека нивните нацрт-буџети за 2018 година претставуваат ризик.
Станува збор за ризик во поглед на исполнување на целите на ЕУ за намалување на јавниот долг и дефицитот.
Од Шпанија, истовремено, побарано е да ја дополни верзијата од нацрт-буџетот со цел тој да содржи повеќе податоци, соопшти ЕК, пренесува агенцијата Ројтерс.
Во писмата упатени до владите на тие земји, Комисијата укажа дека намалувањето на нивниот структурен дефицит заостанува зад она што го пропишува регулативата на ЕУ.
