Норвешката централна банка ја задржа својата клучна каматна стапка непроменета со рекордно ниско ниво од 0,5 отсто, објави „Bloomberg“. Ниските каматни стапки го поддржуваат економското закрепнување од најлошата криза за нафтената индустрија од пред една деценија.
Гувернерот на централната банка Ојстен Олсен изјави дека изгледите и балансот од ризици пред норвешката економија не чини дека се променила значително од средбата во септември, па досега.
Економијата на најголемиот нафтен производител во Западна Европа се опоравува по подолгиот колапс во својата нафтена индустрија. Инфлацијата сепак е далеку под целното ниво, а пазарот на имот се лади нагло, поради што на средбата во септември регулаторот рече дека првото покачување на каматите од 2011-та година нема да се случи пред 2019-та година.
Во предвид зависноста на Норвешка од трговија, избрзаното затегнување на монетарната политика може да е ризично, бидејќи во главните извозни пазари – Шведска и еврозоната – стимулите се уште дејствуваат со полна сила, посочува „Bloomberg“. Од септември наваму економските податоци во Норвешка беа наскоро во долниот дел на предвидениот опсег на банката, а пак инфлацијата е со процентен поен под целното ниво од 2,5 отсто.
„Се чини дека подобрувањата на пазарот на труд продолжуваат. Инфлацијата е малку пониска од очекувањата, а курсот е послаб од предвидувањата“, пишува во соопштението на регулаторот.
Следниот состанок на Централната банка во Норвешка е на 14-та декември.
