По повод Светскиот ден на штедењето – 31 октомври, Банката ќе им отвори штедни книшки – отворено детско штедење „Верверичка“ со износ од 5.000,00 денари и исто толку штедни касички на сите деца кои ќе се родат на 31 октомври од 00:00 до 24:00 часот во Скопје и во други градови во Републиката во кои Банката има свои филијали и/или експозитури.
Средствата ќе бидат исплатени само на оние лица кои документите ќе ги достават најдоцна до 31.12.2017 година.
Оваа година по тринаесети пат ќе се доделат штедните книшки „Верверичка„ и касички, а до сега во просек секоја година по 45 семејства им се радуваат на средствата што нивните најмили ги добиваат од Комерцијална банка АД Скопје.
