Со победникот на филмскиот фестивал „Киненова“, филмот „Фамилија“ на режисерот Густаво Ронод Кордова, вечерва во 20 часот во Кинотеката ќе почне ревија на современата венецуелска кинематографија.
Ова е прво претставување на оваа кинематографија во Македонија, а го организира „Киненова“ во соработка со Амбасадата на Боливарска Република Венецуела во Софија.
Во текот на ревијата ќе бидат прикажани вкупно шест филмови од најновата филмска продукција во Венецуела, меѓу кои 5 играни, и еден анимиран филм.
Настанот свечено ќе биде отворен од амбасадорката на Венецуела за Бугарија, Македонија, Црна Гора и Албанија, Ориета Капони.
Партнер на ревијата е Кинотеката на Македонија.
