8 мај, 2024
ПочетнаЕКОНОМИЈАПредавање за менаџирањето на царинските активности

Предавање за менаџирањето на царинските активности

cu

Директорот на Царинската управа Ванчо Каргов денеска пред студентите на Универзитетот за туризам и менаџмент во Скопје одржа предавање за менаџирањето на царинските активности.

Тој се осврна на менаџментот на управувањето, односно на механизмите за зачувување на знаењето, интерните контролни системи и механизмите за самоучење.

– Станува збор за менаџмент врз управувањето. Имаме три столба, односно како прво какви механизми воведуваме за да го зачуваме заењето на Царинската управа. Луѓе доаѓаат и си одат, но многу е важно тоа што го знаат, да го задржиме во институцијата и на тој начин перманентно да ја зголемуваме институционалната меморија и знаење во Царинската управа за идните вработени. Вториот дел е воспоставувањето на интерни контролни системи кои автоматски ќе проведуваат дали системите и процедурите функционираат и третиот столб се механизмите за перманентно самоучење, појасни Каргов.

Во Царинската управа над 50 проценти од вработените се со високо, околу 45 проценти се со средно образование, а останатите се со други видови на образование.

НАЈНОВИ ВЕСТИ

ХОРОСКОП