САД ја престигнаа Швајцарија на листата со најбогати земји во светот, покажа истражувањето „Глобал велт рипорт 2016“.
Приватното богатство на жител во Швајцарија минатата година изнесувало 175.720 евра. И покрај растот од 2,7 отсто, тоа не било доволно да ги престигнат САД, чиј раст бил 5,8 отсто на 177.210 евра.
И двете земји се речиси двапати побогати од Јапонија, која го зазема третото место.
Сепак, кога станува збор за бруто-износот на жител, Швајцарија останува на врвот со цифра од 268.840 евра, далеку пред САД, каде што тој износ е 221.690 евра.