Најголемиот синџир на супермаркети во САД, „Wal-Mart“ ги потврди прогнозите за добивка за тековната финансиска година и ги најави плановите за зголемување на локации за собирање производи, онлајн нарачки, со 1.000 во 2019-та година, соопшти „CNBC“.
„Wal-Mart“ објави уште една програма за откуп од 20 милијарди долари за да ги замени своите постоечки планови. Новата програма ќе се спроведува во рок од две години, соопшти компанијата.
Акциите на „Wal-Mart“ се зголеми за повеќе од 2% во претходна трговија по веста.
Трговецот на мало појасни дека ќе продолжи со својот фокус на реконструкција на постоечките продавници и вклучувањето на „дигиталните искуства“ наместо изградба на нови локации.
Ден пред годишниот Ден на инвеститорите во Бентенвил, Арканзас, „Wal-Mart“, рече дека очекува нејзино бизнис со Е-трговија да ја зголеми продажбата со околу 40% во фискалната 2019-та година. Онлајн трансакциите се зголемија за 60% во вториот квартал од оваа година, објави „Wal-Mart“ во август.
Компанијата се уште очекува коригираната заработка по акција за фискалната 2018-та година да опадне меѓу 4,30 и 4,40 долари.
За финансиската 2019-та година, „Wal-Mart“, рече дека очекува профитот да порасне за околу 5% на годишна основа. Прогнозите за нето продажба за истата година се за покачување од околу 3%, како резултат на раст на продажбата од споредливите продавници и трговија, додаде компанијата.
