Компанијата „Samsung“ продаде повеќе од 100 милиони уреди од серијата „Galaxy S“.
„Samsung“ ја доживеа оваа пресвртница пред две години и седум месеци, откако ги лансираше „Samsung Galaxy S“ уредите во мај 2010 година.
Голем дел од успехот на „Samsung“ се должи на смартфонот „Galaxy S3“, чија просечна дневна продажба е околу 190.000 парчиња. Компанијата продаде 40 милиони „Galaxy S3“ уреди за седум месци, додека на неговиот претходник, смартфонот „Galaxy S2“, му беа потребни 20 месеци за да го достигне тој успех.
За споредба, „Apple“ до сега продаде повеќе од 250 милиони „iPhone“ уреди, но тој имаше голема предност, бидејќи „iPhone“ уредот беше лансиран во јуни 2007 година.
