Меѓународниот монетарен фонд (ММФ) оцени дека тензиите и неизвесноста поради ситуацијата со шпанската покраина Каталонија би можеле да ја загрозат довербата на инвеститорите.
Тој додаде дека економските прогнози за Шпанија за 2017 година засега остануваат добри.
„Тензиите и неизвесноста во Каталонија би можеле да влијаат на довербата и одлуките на инвеститорите“, изјави претставничката на ММФ Андреа Шехтер.
ММФ не ја промени економската прогноза за Шпанија предвидувајќи раст од 3,1 проценти во 2017 година и 2,5 проценти во 2018 година наведувајќи дека економијата на оваа земја засега е урамнотежена и цврста.
Каталонија во 2016 година обезбеди 19 проценти од шпанскиот бруто домашен производ (БДП) и е еден од најбогатите региони на Шпанија.