Градежниот сектор во Европската унија забележа пад од 1,1 проценти во месец март, откако остана стабилен во февруари, покажуваат податоците на Европската статистичка служба Евростат.
На годишно ниво градежниот сектор во ЕУ бележи пад од 7,2 проценти.
Во еврозоната на месечно ниво во март е забележан пад од 1,7 отсто, додека на годишно ниво за 7,9 проценти.
Најголем пад на месечно ниво имаат Португалија од 10,7 отсто, Чешка од 7,6 и Словачка од 5 отсто. Најголем раст пак бележат Романија од 2,8 отсто и Шпанија од 2,4 проценти.
На годишно ниво најголем пад е забележан во Словенија од 31,8 проценти, во Чешка од 19, Полска од 16,9 и Португалија од 16,7 проценти, додека најголем раст во Шпанија од 16,6 проценти и Унгарија од 9,9 отсто.