Француските винари ќе ja имаат eдна од најслабите жетва, откако во текот на пролетта мраз ги зафати лозјата во Бордо, грозјето во Шампањ беше уништено по летните бури, а сушата влијаеше врз лозјата во југоисточниот дел на земјата, коментира „Bloomberg“.
Волуменот вино ќе опадне за 19% до 36,9 милиони хектолитри во оваа година, што е еквивалентно на околу 4,9 милиони шишиња, прогнозира министерството за земјоделство. Ова ќе биде најслабата продукција од најмалку 1957-ма година, друга година во која пролетниот мраз ги уништи пупките на лозите, покажуваат податоците на Министерството и Еуростат.
„Намалувањето на производството главно се должи на големиот пролетен мраз“, објави Министерството. „Долгата суша во југозападна Франција дополнително го погоди производството“.
Франција и Италија обично се натпреваруваат за најголемиот светски производител на вино, а времето е клучен фактор. Италијанските лозја имаат претрпено помалку штета од мраз и суша во оваа година, а прогнозите за обемот на вино се намалија за 24% до 47,2 милиони хектолитри, изјави здружението на винарите во земјата во август.
Бордо беше меѓу најлошо погодените од мраз региони во Франција на крајот на април. Волуменот вино ќе опадне за 39% до 3,55 милиони хектолитри, покажува министерството за земјоделство. Сепак, производството е подобро отколку што се очекуваше во август, кога очекувањата беа намалени за 47%.
Во Шампањ, каде пролетната слана не беше толку остара како во 2016-та година, производството на локалните вина ќе се намали за 9% до 1,8 милиони хектолитри. За споредба, прогнозата во август беше за раст, но летните бури нанесоа многу штета на грозјето, поради што винарите ги сортираат плодовите.
Во регионот Бургундија-Божоле, домот на најскапите вина во светот, се очекува обемот на вино да се зголеми за 6% до 2,08 милиони хектолитри. Собирањето на грозјето заврши во септември, објави Министерството.