Санкциите на Европската Унија досега ја чинеа Австрија една милијарда евра, проценува австрискиот економски институт „Вифо“.
Поради санкциите, дојде до пад на извозот на ЕУ во Русија меѓу 2014 и минатата година за 10,7 отсто, што одговара на вредност од околу 30 милијарди евра. Австрискиот извоз во Русија поради санкциите е смален за 9,5 отсто, односно за една милијарда евра.
Според процените, извозот на ЕУ во Русија годишно опаѓал за 15,7 отсто. Во 2013 година извозот изнесувал 120 милијарди евра, а минатата година паднал на 72 милијарди евра.
Најголем губитник во апсолутни бројки е Германија, која поради санкции досега има изгубено 11,1 милијарди евра.
