Премиерите на Бугарија, Македонија и Албанија до крајот на годинава ќе имаат средба со претставници на Светска банка за изнаоѓање финансиски модел за изградба на Коридорот 8, најави денеска претседателот на бугарската Влада, Бојко Борисов.
– Во декември договараме средба со Светска банка за изградба на Коридорот 8 на која ќе присуствуваат и премиерите на Македонија и на Албанија, Зоран Заев и Еди Рама, изјави Борисов на прес-конференција во Варна.
Според Борисов, на средбата ќе се бара модел за финансирање на патната и железничката врска, што треба да ги поврзе трите држави.
