Денеска тимот на Министерството за финансии и Царинската управа предводен од министерот за финансии Драган Тевдовски и директорот на Царинската Управа Ѓоко Танасоски остварија средба со директорот на Царинската управа и помошник министер за финансии на Хрватска Хрвоје Човиќ и претставници на хрватската царина.
На средбата која се одржа во Министерството за финансии, од страната на директорот на хрватската царина беа споделени искуствата и реформите кои ги спровеле во евроинтегративниот процес.
Од страна на тимот на Министерството за финансии беа изложени плановите и идеите за реформите во Македонија, особено промените во акцизното законодавство и воведување на нови современи ИТ системи, кои наидоа на мошне позитивни реакции од хрватската страна.
Како што беше истакнато од првиот цариник на Хрватска Човиќ, Македонија има силна поддршка и партнер во Хрватска во процесот на интеграција кон ЕУ.
