Моделот „Stelvio Quadrifoglio“ извозе круг на патеката Нирбургринг за 7 минути и 51,7 секунди, што е најдобар резултат кој е некогаш постигнат од некој SUV автомобил од сериско производство.
Верзијата која го оствари рекордното време има „Q4“ погон на сите четири тркала, опремена е со 2.9 V6 Twi-Turbo мотор со 510 кс, како и диференцијал за распределба на обртниот момент.
„Alfa Romeo“ сега држи два рекорда на Нирбургринг со моделите „Giulia Quadrifoglio“ (најбрз сериски автомобил со 4 врати) и „Stelvio Quadrifoglio“ (најбрз сериски SUV).
Новото рекордно време кое „ Stelvio Quadrifoglio “ го постигна на 20,7 километри долгиот круг, е за 8 секунди помалку од претходниот рекорд во категоријата на сериски SUV возила, кој во есента во 2014 година го постави „Porsche Cayenne Turbo“ (7:59,7).
Зад воланот на SUV модело на „Alfa Romeo“ беше Фабио Франка, истиот возач кој го изведе најбрзиот круг и во категоријата на седан моделите со 4 врати (Giulia Quadrifoglio) со време од 7 минути и 32 секунди.
