Шефицата на ММФ, Кристин Лагард, им препорача на централните банкари да не се противат на воведувањето нови методи на работа, и да не ги отфрлаат виртуелните валути, како што е биткоинот.
Говорејќи на конференцијата на британската Централна банка, Лагард призна дека дигиталните валути, како што е биткоинот, во моментов не претставуваат посебна закана за постојниот систем, бидејќи се “премногу нестабилни, премногу ризични и бараат премногу енергија”, а додаде дека и некои биле хакирани.
Таа, сепак, рече дека технолошките иновации на крајот би можеле да влијаат на таа област и дека “затоа можеби не би било мудро да се отфрлат виртуелните валути”.
“Виртуелните валути во иднина би можеле да бидат силни како другите валути”, рече Лагард.