Бројот на превземени апликации од „App Store“ достигна 50 милијарди. Рекордот го сруши Брендон Ешмор од Охајо симнувајќи ја апликацијата „Say the Same Thing“, па поради тоа тој ќе биде награден од „App Store“ со купон во вредност од 10.000 долари.
„„App Store“ во целост го трансформираше начинот на кој луѓето ги користат своите мобилни уреди и направи успешен екосостав на апликации кои на девелоперите има донесе повеќе од 9 милијарди долари“, изјави Еди Кју.
Од „Apple“ открија дека нивните корисници симнуваат повеќе од 800 апликации во секунда, односно повеќе од две милијарди месечно.
„App Store“ беше отворен во јули 2008-та година, а на корисниците на уредите „iPhone“, „iPad“ и „iPod Touch“ ширум светот им нуди повеќе од 850.000 различни апликации.
