Во рок од 120 дена севернокорејските компании во Кина треба да ги прекинат своите дејности откако кинеските власти ја забранија нивната работа во земјата, потврди Министерството за трговија на Кина.
Мерката е преземена како одговор на ракетните и нуклеарните тестирања извршени од Пјонгјанг, а согласно со неодамна усвоената резолуција на Советот за безбедност на ОН.
„Соработката меѓу кинеските фирми и севернокорејските компании и поединци треба да престане“, се наведува во соопштението на Министерството.
Кина е најголемиот сојузник на Северна Кореја во последните години, но е под постојан притисок, особено од САД, да го заостри односот кон Пјонгјанг.
