ЈУ Детски културен центар „Карпош“-Скопје во соработка со Град Скопје и со Министерството за култура по дваесетишести пат го организира и реализира најмасовниот Меѓународен детски фолклорен фестивал „ОРО БЕЗ ГРАНИЦИ“.
Детскиот фестивал ќе почне утре и ќе трае до недела, 01.10.2017 година, а на него годинава ќе учествуваат детски фолклорни ансамбли од Хрватска, Полска, Јакутија, Србија, Бугарија, како и македонски ансамбли.
Утре во 17:15 часот за гостите и за домашните ансамбли ќе се одржи богослужба во храмот Св. Климент Охридски, а по завршување на богослужбата учесниците продолжуваат на плоштадот Македонија каде што во 18:30 часот ќе биде свеченото отворање на фестивалот „ОРО БЕЗ ГРАНИЦИ“.
По отворањето на Фестивалот настап ќе имаат сите групи, односно и станските и домашните учесници на фестивалот.
Во недела од 10 часот, како и изминатите години, за сите учесници на фестивалот ќе се реализира пикник во Лешок, Тетово.