Град Скопје ги поканува граѓаните на големо велосипедско дефиле што денес, 22 септември, ќе се вози на градските улици по повод 22 септември – Денот без автомобили и крајот на Европската недела на мобилност 2017.
Ова традиционално дефиле ќе стартува во 10 часот од Порта Македонија и ќе продолжи по следната рута:
– Улица 11 Октомври до булеварот Кочо Рацин (се врти лево),
– булевар Кочо Рацин, булевар Крсте Мисирков (се врти лево),
– булевар Гоце Делчев се врти лево и се продолжува по булевар ВМРО (се врти десно),
– булевар Партизански одреди до булевар 8 Септември (се врти десно),
– булевар 8 Септември, се врти десно по булевар Илинден, до Градскиот парк, кај Школката,
– Дефилето на велосипеди ќе заврши со музички хепенинг, лотарија и дружење.
Градот Скопје ги информира граѓаните дека за времетраењето на велосипедското дефиле на посочените улици сообраќајот делумно ќе биде во прекин.
