Американската музичка индустрија доживува бум

Музичкиот бизнис во САД повторно цвета по речиси две децении пад. Ова се должи на платените стриминг услуги „Spotify“ и „Apple Music“, се вели во извештајот на Здружението на музичката индустрија во Америка (RIAA), цитиран од „Bloomberg“.

Американските трошоци за музика се зголемија за 17% до околу 4 милијарди долари во првата половина од 2017-та година, објави „RIAA“. Стримингот се зголеми за 48%, успевајќи да го неутрализира значителниот пад во онлајн продажбата и купувањето на дискови. Корисниците пак се насочени кон новите дела на Кендрик Ламар и Ед Ширан – топ изведувачите во САД за првото полугодие.

Американската музичка индустрија – предводена од издавачките куќи „Sony Corp.“, „Universal Music“ и „Warner Music Group“ – е на пат да ја забележи својата трета година по ред на раст. Тоа ја зголеми вредноста на издавачките компании и музичките издавачи, убедувајќи ги најголемите технолошки компании во светот да инвестираат повеќе во музика и доведе до голем број на трансакции поврзани со играчи кои сакаат да станат дел од овој бум.

Директорите на издавачките компании сметаат дека се уште е рано за славење, бидејќи продажбата се уште е само дел од оние кои индустријата ги гледа за време на шпицот на продажбата на дискови. Приходите од проследени од рекламите на „YouTube“ и „Spotify“ сè уште се мали и „RIAA“ верува дека има вредност. Иако покрај зголемувањето на претплатниците до најмалку 650 милиони, вкупниот прилив на приходи од рекламирање се уште е само дел од тој раст.

„Индустријата продолжува да се опоравува, иако се уште е далеку од врвот на крајот на 90-тите години“, коментира Џош Фриландер, постар заменик претседател на „RIAA“ за стратешки анализи на податоци.

„Spotify“ и „Apple Music“ натераа милиони луѓе кои купуваа синглови и ги слушаа бесплатно музика, да станат претплатници на платена услуга. Повеќе од 30 милиони луѓе во САД плаќаат за музички претплати. Ова е три пати повеќе од 2015-та година.

Стримингот донел 62% од вкупните приходи на индустријата во првото полугодие.