Повеќе од 150 милиони деца или едно од десет деца се жртви на принудна работа и напредокот на тоа поле е многу мал, соопшти денеска Меѓународната организација за работа.
Речиси половина деца што се принудени на работа, работат на опасни места, повеќе од третина не одат на училиште, две третини работат на семејни фарми или во семејни фирми, а околу 71 отсто работат во земјоделски сектори, се наведува во извештајот на организацијата, што го пренесува „Ројтерс“.
