Сенатот на САД се подготвува за усвојување закон за одбранбената политика со кој се идвојуваат 700 милијарди долари за буџетот на Пентагон, се шири ракетната одбрана на САД како одговор на растечкото непријателство што го покажува Северна Кореја и се одбива затворањето на многубројните воени бази.
Агенцијата „Асошиетед прес“ наведува дека се очекува законот да биде усвоен со големо мнозинство на гласови и иако Белата куќа вложила голем број забелешки на документот што има 1.215 страници, претседателот на САД, Доналд Трамп, не се заканил дека ќе стави вето.
