Министерот за финансии на Германија, Волфганг Шојбле предупреди дека може да бидат наметнати строги санкции на Унгарија поради одбивањето на земјата да прифати бегалци по задолжителната квота воведена од Европската унија (ЕУ), соопштува интернет изданието „Politico“.
Сепак, во интервју за „Passauer Neue Presse“, Шојбле рече дека засега не е предвидено намалување на европските средства за Будимпешта.
Според него, ЕУ треба да вложи напори да ги подобри, а не да ги влоши односите со земјите-членки кои се противат на политиката за бегалци.
„Би било паметно да не се оди на такви мерки веднаш“, рече тој во интервјуто. „ЕУ мора да најде вистинска комбинација на конзистентност и трпеливост“, додаде тој.
Претходно овој месец Високиот суд на ЕУ ги отфрли жалбите на Унгарија и Словачка против политиката за преселба на азиланти на ЕУ. Според одлуката, Брисел има право да ги обврзе земјите-членки да ги прифатат бегалците.
Сепак, Будимпешта ја отфрли одлуката.
Германската канцеларка Ангела Меркел претходно зазаме цврста позиција. Во интервју за „Berliner Zeitung“, таа ја утврди позицијата на Унгарија како „неприфатлива“.
На прашањето дали одбивањето на Унгарија да прифаќа бегалци значи дека земјата треба да ја напушти ЕУ, Меркел одговори дека прашањето „влијае на едно од главните прашања на Европа, бидејќи Европа е за мене е општ јавен фер суд. Ќе треба да се зборува за тоа за време Европскиот совет во октомври“.
