Германскиот министер за финансии Волфганг Шојбле денеска изјави дека постојат ограничувања во она што светските централни банки можат да го направат за решавање на економските проблеми.
Американските и јапонските власти веќе ги намалија каматните стапки на ниво околу нулата, а Европската централна банка (ЕЦБ) овој месец референтната каматна стапка ја намали на рекорден минимум од 0,5 отсто.
Меѓутоа, во некои делови од Европа се уште постојат компании кои имаат проблеми во позајмувањето пари по разумни стапки.
Шојбле истакна дека дури и нултите каматни стапки во овој момент не можат да им помогнат на компаниите во финансирањето и дека монетарната политика не може да ги реши проблемите со кои мораат да се позанимаваат политичарите по пат на економски реформи.
