Европската Унија ги продолжи уште шест месеци санкциите за 149 руски функционери поради нивно наводно учество во судирот во источна Украина.
„По спроведената процена на ситуацијата, заклучивме дека нема да ги менуваме досегашните санкции“, се наведува во соопштението од Европскиот совет.
Санкциите се однесуваат на 149 физички лица, како и на 38 претпријатија и организации. Нивниот имот што го имаат во ЕУ е замрзнат, а забранет им е влез во земјите членки на Унијата.
Ова е дел од серијата казнени мерки што ѝ се воведени на Русија поради украинската криза.
