Власта со законски измени ќе им наложи на сите корисници на буџетски средства, да обезбедат поголема јавност и транспарентност во финансиското работење. Тие ќе мора да ги објавуваат завршните сметки на нивните интернет-страници, за полесен пристап до овие податоци да имаат сите заинтересирани физички и правни лица.
Буџетските корисници ќе треба да ги објавуваат завршните сметки на својата интернет-страница во рок од 15 дена од доставувањето до Регистарот на годишните сметки при Централниот регистар.
Со предлог-законот се пропишува глоба за одговорното лице на буџетите и на буџетските корисници доколку не ги објават завршните сметки на својата интернет страница.
