Во деловниот свет вештините и знаењето кои ги поседувате се поважни од дипломата, препораките и CV-то кои можат да бидат реален показател на вашето знаење, но и само букви на хартија без реална основа.
Затоа еден од приоритетите во градењето на успешна кариера е континуираното инвестирање во стекнувањето на нови знаења и вештини како и одржувањето на постоечките. Не само што со своето знаење ќе и помогнете на компанијата во која работите туку тие ќе ги однесете и на потенцијалната нова работа, тие ќе бидат секогаш со вас, без разлика каде сте и што работите.
Затоа искористете ја секоја прилика и борете се за дополнително усовршување и учење. Еве неколку кратки совети како да си го олесните тоа:
– Користете ја секоја прилика за усовршување
– Не го одбивајте усовршувањето од областа која не е директно поврзана за вашата работна позиција или професија
– Пронајдете ги курсевите кои ве интересираат и запишете се на нив
– Бидете во тек со новите достигнувања во областа на вашата специјалност
– Искористете го вашето слободно време за учење на некои нови вештини и пронајдете начини како да ги вметнете во работата
– Постојано усовршувајте ги странските јазици
– Секогаш бидете расположени за читање на некоја добра деловна книга