Организацијата на земјите извознички на нафта (ОПЕК) ја ревидира прогнозата за глобалниот раст на побарувачка на нафта во оваа и следната година, откако потрошувачката во вториот квартал на 2017-та година ги надмина очекувањата на „Financial Times“.
Во месечниот извештај за пазарот на нафта, ОПЕК вели дека поради подобрите од очекувањата резултати од индустриските земји на Запад и Кина ја зголемува оценката за растот на побарувачката на нафта за 2017-та година до 1,42 милиони барели на ден. Нагорната ревизија е околу 50.000 барели на ден, а вкупната прогноза за потрошувачка изнесува 96.8 милиони барели дневно.
Генералниот секретар на ОПЕК, Мохамед Баркиндо, во изјавата од понеделникот рече дека стабилната побарувачка во втората половина од оваа година ќе доведе до понатамошни ограничувања на нафтените резерви.
Ова ќе ги поддржи напорите на земјите од ОПЕК и други производители, вклучувајќи ја и Русија, кои ги здружија силите за намалување на глобалната нафта за околу 1,8 милиони барели дневно за да ги намали резервите и да ги зголеми цените.
„Јасно е дека постои процес на ребаланс“, рече Баркиндо.
Растот на светската побарувачка во 2018-та година ќе се зголеми за 1,35 милиони барели дневно, за 70,1 милиони барели во текот на претходниот извештај, на 98,12 милиони барели дневно.
Во август вкупното производство на сурова нафта на ОПЕК е намалено за 79 илјади барели, покажуваат податоците на аналитичарите и консултантите доставени на организацијата, во просек 32,8 милиони барели.
Сопственото производство на ОПЕК внимателно се следи, бидејќи земјите што се исклучени од договорот – Либија и Нигерија – го зголемија производството повеќе од очекуваното во оваа година. Другите земји-учеснички сè уште не ги исполниле целосно нивните граници за квоти.
Меѓутоа, во август падна и производството од Либија, како и во Венецуела, Ирак, ОАЕ и Саудиска Арабија. Ова го неутрализира повисокиот принос од Нигерија.
Сегашното производство на ОПЕК се уште е малку повисоко од обемот на сурова нафта, кој според групата ќе биде баран од картелот во оваа година, на ниво од 32,7 милиони барели на ден, но сепак е со 79 илјади барели помалку отколку во јули.
Понудата на нафта од земји надвор од ОПЕК се очекува да се зголеми со 780 илјади барели на ден во 2017-та година до 57,8 милиони барели на ден, оставајќи без промена во однос на извештајот од минатиот месец. Следната година производството од овие земји ќе се зголеми со помал волумен од претходните проекции – со 1 милион барели дневно до 58,8 милиони барели дневно.
