Чешкиот бренд на „Volkswagen“ – „Skoda“, планира некои многу интересни премиери од сега до крајот на деценијата, со нови и ажурирани модели ќе бидат точно 8.
Прво ќе се појави компактниот „SUV“ модел на „Skoda“, кој е одговорот на Чесите на „SEAT Arona“ и „VW T-Roc“. Во „VW“ се сериозни во врска со проширувањето на „SUV“ модели и „Skoda“ не може да се држи подалеку од овој тренд. Секако, наследникот на „Yeti“ ќе има многу заеднички компоненти со другите два веќе споменати модели, а треба да очекуваме име кое ќе започна со „K“, за да се впише во палетата на „Kodiaq“ и „Karoq“.
Во 2020-та ќе се појави првиот електричен модел на „Skoda“ – сериската верзија на концептот „Vision E“, а тука станува збор повеќе за кросовер отколку за хечбек. Моделот ќе биде изграден на платформата „MEB“ на „VW“ и се очекува да работи со едно полнење од околу 480-500 km.
Што се однесува до „Karoq“, општо тоа ќе е чешката верзија на „VW Tiguan“, а официјалните фотографии на моделот веќе се појавија на интернет.
Следните два модели ќе бидат обновените верзии на успешните „Fabia“ и „Superb“ – двата автомобили кои се наоѓаат на спротивните краеви на моделот „Skoda“. Дотерувањето на „Fabia“ треба да се случи во текот на летото на 2018-та, а она на „Superb“ – во почетокот на 2019-та. Тогаш ќе дебитира и хибридната верзија на чешкиот предводник.
Шестиот модел ќе биде целосно нов „Rapid Spaceback“, кој во 2019-та ќе го претстави новиот пристап на Чесите кон дизајнот на ентериерот, со поголем екран осетлив на допир и поквалитетни материјали – тоа се знае отсега.
Пред него, сепак, во есента на 2018-та ќе ја видиме верзијата „RS“ на „Kodiaq“, а за 2020-та е предвидено претставување на следната генерација на хитот „Octavia“, новиот модел ќе има хибридна верзија, систем за автономно движење, иако не за целосно автономно патување.
