И покрај Brexit, Лондон останува најатрактивниот финансиски центар во светот

Лондон останува најатрактивниот финансиски центар во светот, зголемувајќи ја предноста во однос на Њујорк и покрај идното излегување на Велика Британија од Европската унија, соопшти „Ројтерс“, повикувајќи се на новото истражување од понеделникот.

Излезот на Велика Британија од блокот доведе некои политичари и економисти да предвидат дека Лондон ќе ја изгуби лидерската позиција како финансиски центар. Меѓутоа, постојат голем број на сигнали дека ова се уште не се случува.

Лондон е на прво место, следен од Њујорк, Хонг Конг и Сингапур, во индексот на глобалните финансиски центри „Z / Yen Global Financial Centres Index“ (GFCI), кој проценува 92 финансиски центар врз основа на фактори како инфраструктура и пристапот до високо квалификувани вработени. Њујорк е 24 поени зад британскиот главен град, што е најголемото водство помеѓу двата града откако започна истражувањето во 2007-ма година.

Рејтингот за Њујорк е 24 поени понизок од минатата година – најголем пад кај водечките конкуренти. Според авторите на студијата, тонењето е „наводно поради загриженоста за американската трговија“.

Откако стана претседател на САД во јануари, Доналд Трамп се повлече од планираните Транстихоокеански трговски договори и извршува поизолационистичка економска политика.

Најсилниот финансиско лоби во Велика Британија – „TheCityUK“, предупреди дека не треба да има самозадоволство од претставувањето и повика на јасност во преодните договори по напуштањето на ЕУ кои важат по април 2019-та година, кога земјата официјално ќе излезе од Унијата.

„Без оваа јасност, многу компании веќе почнаа да ги активираат своите планови за непредвидените ситуации, а други без сомнение ќе го следат примерот ако договорите не се потврдат што е можно поскоро – или барем до крајот на оваа година“, рече Мајлс Селик, Главен извршен директор на „TheCityUK“.

Од јуни па наваму, кога е спроведена студијата, разговорите меѓу британскиот премиер Дејвид Дејвис и неговиот колега Мишел Барние остро се влошија.

Во последните два месеци освен тоа се забележува повеќе банки, кои велат дека планираат воспоставување на нови подружници во ЕУ по „Brexit“, а повеќето големи американски, британски и јапонски банки се насочуваат кон Франкфурт или Даблин.

Франкфурт се искачи на 11-то место на табелата од 23-тото од пред една година, а Даблин е на 30-то место од 33-та позиција.