Сте ја изгубиле мотивацијата за работа? Понекогаш ако направиме мали промени можеме не само да го подобриме задоволството, туку и квалитетот на работа, а со тоа за да ги зголемиме и шансите за унапредување. Следат неколку совети…
Истражувајте ги своите идеи
Младите луѓе често имаат добри идеи, но сметаат дека не се на положба на која би можеле да ги спроведат. Обидете се да ги презентирате вашите идеи и проблеми со кои се среќавате на секој состанок. Само поради тоа што досега не сте го направиле тоа, не значи дека не треба да го направите ниту понатака, и дека вашето мислење не е важно.
Оставете ја работата на работа
Кога ќе ја напуштите канцеларијата дајте си одишка. Во попладневните часови не размислувајте за работата туку концентрирајте се на семејството, пријателите, партнерот, размислувајте за свадба, излегување, иднината, вратете се во минатото… На тој начин ќе ја подобрите вашата деловна ефикасност, бидејќи секое утро ќе го започнете свежи и одморени од работа.
Не паѓајте во рутина
Ако секој ден ви е ист и работата само ја одработувате за да добиете плата, по некое време би можеле да си помислите дека работата ви е губење на времето. Размислувајќи позитивно на работа ќе бидете попродуктивни и полесно ќе се искачувате по скалилата.
Прифатете ги предизвиците
Кога ќе се појави некој предизвик прифатете го, наместо да го префлите на некој друг. Направете план за работа, завземете позитивен став и преземете акција.
Во канцеларијата додадете малку шарм
Без оглед дали се работи за некои интересни налепници, фотографии од семејството или свежо цвеќе, колку вашето опкружување ќе си го направите поубаво за вас, автоматски ќе се чувствувате подобро.
