Француските модни империи „Kering“ и „LVMH“, заедно со најголемите брендови во индустријата, како „Гучи“, „Сен Лоран“, „Витон“ и „Диор“, ја договорија повелбата со која се забранува користењето на премногу слаби манекенки и на возраст под 16 години, објави „Ројтерс“.
Одлуката беше донесена во пресрет на отворањето на Модната недела во Њујорк. Повелбата ќе ги штити моделите, но исто така нема да им наметнува на публиката примероци кои се предиспонирачки подржувачки кон нарушувања во исхраната од типот на анорексијата.
Новите правила ќе ги забранат споменатите брендови да најдат модели под 34 години за жени и помалку од 44 за мажи. Освен тоа марките нема да имаат право да ги користат услугите на девојки под 16 години при учество во ревиите и фотосесиите за возрасни.
Во 2015-та година во Франција беше донесен закон со кој се забранува употребата на болно „тенките“ модели во модната индустрија. Тој предвидува затворска казна од шест месеци за прекршителите, како и парични казни до 75.000 евра.
Според зборовите на еден од раководителите на модниот конзорциум „LVMH“, Антоан Арно многу луѓе дури и не знаеле за постоењето на големина 32. Но некои модни дизајнери ги засновале колекциите токму на него.
„Со оваа практика веќе е готово! Збирките на нашите брендови ќе почнуваат од димензиите 34, во согласност со новодонесената повелба“, истакна Арно.
