Во рамките на проектот за деца со пречки во видот, кој е поддржан од Американската агенција за меѓународен развој (УСАИД) и Меѓународната фондација на клубовите Лајонс (ЛЦИФ), утре напладне ќе бидат промовирани 120 книги за основно образование од прво до деветто одделение, на македонски и на албански јазик, кои се адаптирани и печатени на Браjoво писмо за учениците со пречки во видот.
Настанот ќе се одржи во државното училиште за деца и младинци со оштетен вид „Димитар Влахов“ во Скопје.
На настанот свои обраќања ќе имаат г-ѓа Рената Дескоска, министер за образование и наука, г. Дејвид Етбери, претставник на УСАИД во Македонија, г. Горанчо Јакимов, директор на државното училиште за деца и младинци со оштетен вид и г. Шпетим Љатифи, директор на проектот.
Учебниците на Браjoво писмо ќе бидат многу важен ресурс за децата со пречки во видот заедно со целосно опремените пет ресурсни центри и аудиокнигите снимени претходно во рамките на проектот.
Проектот за децата со пречки во видот работи на зголемување на квалитетот и можностите на образовните услуги, со посебен фокус за развој на ресурсите за писменост на локалните јазици. Дополнително проектот овозможува очни прегледи за децата во претшколска возраст.
