24 април, 2024
ПочетнаЕКОНОМИЈАПремиерот Заев со владината делегација и бизнисмените од Македонија на Бизнис формум...

Премиерот Заев со владината делегација и бизнисмените од Македонија на Бизнис формум со израелски бизнисмени

Премиерот Заев со владината делегација и бизнисмените од Македонија на Бизнис формум со израелски бизнисмени: Има интерес за интензивирање на економската соработка, премиерот Заев повика ги повика да ја посетат Македонија.

“Имаме природни ресурси, имаме квалификувана работна сила и владата е определена да им помогне на претпријатијата да се развиваат. Имаме многу потенцијал, што како држава можеме да им го понудиме на инвеститорите. Соработувајте – порача македонскиот премиер Зоран Заев”, обраќајќи се пред бизнисмените од Израел и од Македонија, присутни на Бизнис форумот во Ерусалим.

Тој посочи дека новата влада е ориентирана кон поддршка на домашните претпријатија и создавање услови за реални странски инвестиции, како и за развој на други области, како што се земјоделството, енергетиката, туризмот…

“Имаме поволни даноци, позитивна клима за живеење, имаме добра соработка со Израел, отворени сме да примениме искуства од Израел, ве поканувам да ја посетите Македонија, ги уверуваше премиерот израелските бизнисмени”.

Тој ги повика претставниците од бизнис заедниците на двете држави да го искористат заедничкото присуство на Бизнис формумот за да се запознаат подобро и да направат чекори напред во соработката.

На бизнис форумот се обратија и заменик претседателот на владата за економски прашања, Кочо Анѓушев и министерот за економија Крешник Бектеши.

“Стимулираме соработка меѓу домашните и странските компании, рече Анѓушев, додавајќи дека целта на Владата е да го зголеми домашното производство и на тој начин да придонесе кон раст на економијата”.

Тој посочи и на потребите на Република Македонија за работа на домашните енергетски компании.

“Имаме природни богатства како што се трите природни езера, Охридското, Преспанското и Дојранското езеро. Македонија е богата и со минерални ресурси и термо води. Сето ова овозможува меѓусебна соработка во областа на туризмот, рече министерот за економија Бектеши. Тој додаде дека директен лет на релација Македонија – Израел може дополнително да ја стимулира бизнис соработката меѓу двете држави”.

На бизнис форумот присуствуваат претставници на израелската бизнис заедница од областа на дигиталната технологија и компјутерскиот бизнис, земјоделството, туризмот, претставници на фирми – бизнис инкубатори, од телекомуникациите кои изразија интерес за условите за инвестирање во соодветните области.

Пред почетокот на Бизнис формумот, владината делегација предводена од премиерот Заев посети позната фирма, бизнис инкубатор. Станува збор за фирмата АtoBiAzrieli College of Engineering Accelerator, како и две светски компании од Израел, Mobilеy и Orcam, коишто почнале како страт ап компании.

Причина за посетата на Израел, според информацијата од владата, е испиративниот економски раст на оваа држава, која е помала од Македонија по територија, има неколку пати пати повеќе жители , но е меѓу првите во светот по бројот на старт ап компании, што е една од планираните мерки на владата.

НАЈНОВИ ВЕСТИ

ХОРОСКОП