Индустриската активност во САД во август порасна енергично, што е веројатен знак за зајакнување на економијата на земјата благодарение на порастот на новите нарачки, производството и вработувањето, пренесува агенцијата АП.
Институтот за управување со снабдувањеto (ИСМ) денеска објави дека неговиот индекс се зголеми на 58,8 поени минатиот месец, во споредба со 56,3 поени забележани во јули.
Ова е највисоко ниво од април 2011 година. Економистите анкетирани од страна на Ројтерс предвиделе вредност од 56,5 поени.
Секоја вредност над 50 поени зборува за експанзија во секторот, а секоја вредност под 50 за намалување.
Индустрија генерира околу 12% од БДП во САД.