Британските компании во индустријата сé уште се уверени дека нивниот бизнис е поддржан од слабата валута. Индексот на менаџерите на договорите (PMI), пресметан од приватната компанија „Markit“, се зголемува од 55,1 поени во јули до 56,9 поени во август, што е четиримесечен максимум. Проекциите беа за мал пад.
Компаниите велат дека има подобрувања во сите сфери на студијата, а нарачките и за внатрешниот пазар и за извоз, растат со силно темпо. Постои зголемена деловна активност со европските земји, САД, Кина и Австралија, бидејќи слабата валута ја промовира извозната конкурентност.
Индексите на „PMI“ се сметаат за сигурен ран показател за економски раст. Меѓутоа, во последниве месеци постои несовпаѓање меѓу индексот на „PMI“ и т.н. податоци од индустријата.
Компаниите се оптимисти во истражувањата на ставовите по референдумот за „Brexit“ во минатата година поради надежите дека слабата фунта ќе го поддржи растот на надворешната трговија. Податоците на Националната статистичка служба, сепак не покажуваат многу подобрувања, а самиот обем на индустриското производство во Велика Британија стагнира, а трговскиот дефицит не успева да се намали.
