На 5 септември во Чифте амам ќе се отвори изложба на Мимоза Велиу со наслов „Уметничка фотографија“.
Мимоза (1979) е фотограф и куратор родена во Македонија, а живее и работи во Берлин. Преку студиото и нејзината галерија JAMMIN таа поврзува заеднички концепт на комерцијални и уметнички фотографии.
Покрај Берлин, Мимоза има изложувано во Виена, Њујорк, Минхен, Тирана и во Приштина. Во 2008 година е добитник на првата награда за уметничка фотографија од Националната галерија на Косово.