Од утре стапува во сила одлуката за утврдување распоред на работното време во Владата, министерствата и другите органи на државната управа.
Секој вработен има право да пристигне на работното место помеѓу 7.30 и 8:30 часот и да замине од работното место во периодот помеѓу 15.30 и 16.30 часот така што има обврска за исполнување 8 часа дневно работно време.
Секој орган на државната управа треба да обезбеди систем за евиденција на работното време, со цел поефикасна контрола при влез и излез на вработените.
Во контекст на општите права на вработените во државната управа се подразбира и правото на вработените на работно време со распоред соодветен за ефективно и ефикасно исполнување на работните задачи, а утврдени со позитивните законски одредби.
