Општина Аеродром, во соработка со Националната агенција за европски образовни програми и мобилност, утре ќе организира обука за невработените лица.
Со обуката тие ќе стекнат меки вештини, како пишување работна биографија и мотивациско писмо според Европас-форматот, ќе ги подобрат комуникациските вештини и ќе се запознаат со поволностите што ги нудат европските мрежи и Националната агенција за европски образовни програми и мобилност.
Се покануваат сите заинтересирани граѓани да ја посетат обуката на која ќе може да дознаат повеќе за комуникациските вештини потребни при вработување.